Sumer is i-cumin in

By Anonymous

Sing, cuccu, nu. Sing, cuccu.

Sing, cuccu. Sing, cuccu, nu.

Sumer is i-cumin in—

Lhude sing, cuccu!

Groweth sed and bloweth med

And springth the wude nu.

Sing, cuccu!

Awe bleteth after lomb,

Lhouth after calve cu,

Bulluc sterteth, bucke verteth—

Murie sing, cuccu!

Cuccu, cuccu,

Wel singes thu, cuccu.

Ne swik thu naver nu!

Notes:

a 14th century English round

Source: The Norton Anthology of Poetry (Fifth Edition) (W. W. Norton and Company Inc., 2005)