Mango Head

Why yu always ask stupid question, ee?

The man call mango head because him head

shape like mango. What do yu anyway?

Yu come in with yu long face, gwyan

with yu sufferation parade. Yu nuh see

yu must either pick up yuself or put down

what yu cayn carry? Gal, is time

past time yu learn fi ban yu belly.

Is only when yu young yu can afford

fi believe the earth start spinning

when you, missus, did step pon it. Cho. Things

always been hard, mi love, and if you cyan

squinch-up yuself, at least you can try fi hear

what I telling yu: none of  we invent the story.